काठमाडौं । पाकिस्तानी क्रिकेटर शाहिद अफ्रिदीले माउन्टेन फ्लाइट गरेका छन् ।

कोरोना भाइरसको महामारीपछि पहिलो पटक माउन्टेन फ्लाइटको सुरुवात गरेको यति एयरलाइन्सले क्रिकेटर अफ्रिदीसँगै फ्लाइटको सुरुवात गरेको जनाएको छ।

आइतबार बिहान त्रिभुवन विमानस्थलमा अफ्रिदीलाई कम्पनीका अधिकारीहरुले जहाजमा स्वागत गरेका थिए । उनलाई एयरहोस्टेसहरुले हिमाल पहिचानमा सहयोग गरेका थिए ।

एयरलाइन्सका अनुसार आज कुल ४४ जना यात्रुसहित अफ्रिदी उडानमा सहभागी भएका थिए।

यतिले ८८४८ रुपैयाँमा दुई वटा टिकट बिक्री गर्ने गरी पर्वतीय उडान सुरु गरेको हो । उडान हरेक आइतबार हुने एयरलाइन्सले बताएको छ।