काठमाडौं । सुर्खेतबाट काठमाडौं आइरहेको एक बसमा आगलागी भएको छ। ना ६ प १४७१ नम्बरको बसमा आइतबार राति २ बजे धादिङको गजुरीमा आगलागी भएको प्रहरीले जानकारी दिएको छ।

प्रहरीका अनुसार इलेक्ट्रिक सट भएर बसमा आगो लागेको हो। आगलागीबाट बसको अधिकांश भाग जलेको छ। सो दुर्घटनामा कुनै पनि यात्रुलाई केही नभएको बताइएको छ।

यात्रुहरु सकुशल रहेको तर सामानहरु बाहिर निकाल्न नसक्दा उनीहरुको लगेज जलेको प्रहरीले जानकारी दिएको छ।