काठमाडौँ । नेपालमा थप एक जनामा कोरोना भाइरसको नयाँ भेरियन्ट ओमिक्रोन पुष्टि भएको छ। योसँगै नेपालमा तीन जना ओमिक्रोन संक्रमित भेटिएका छन् ।

स्वास्थ्य तथा जनसंख्या मन्त्रालयकी प्रवक्ता डाक्टर संगिता मिश्राका अनुसार ५८ बर्षीय एक पुरुषमा कोरोनाको नयाँ भेरियन्ट ओमिक्रोन पुष्टि भएको हो।

प्रवक्ता मिश्राले संक्रमित व्यक्ति अहिले होम आइसोलेसनमा रहेको र उनको स्वास्थ्य अवस्था सामान्य रहेको बताइन् । उनले ती व्यक्ति मन्त्रालयको नियमित सम्पर्कमा रहेको बताइन्।

यसअघि गत मङ्सिर २० गते दुई जनामा पहिलो पटक नेपालमा ओमिक्रोन पुष्टि भएको थियो।