काठमाडौं । प्रधानमन्त्री शेरबहादुर देउवाले आगामी जेठ ४ गते स्थानीय तहको निर्वाचन हुने बताएका छन् ।

स्रोतका अनुसार नेपाली कांग्रेस बागमती प्रदेशका प्रतिनिधिहरूसँग सोमबार साँझ बालुवाटारमा भएको भेटघाटमा प्रधानमन्त्री देउवाले स्थानीय तहको निर्वाचन ४ जेठमा गर्ने जानकारी गराएका हुन् ।

सरकारले स्थानीय तहको निर्वाचनको मितिबारे मंगलबार (आज) निर्वाचन आयाेगसँग छलफल गर्ने बताएको छ ।

पछिल्लो समय निर्वाचन आयोगले स्थानीय तहका जनप्रतिनिधिको कार्यकाल जेठ ५ गतेसम्म मात्र रहने र त्यसअघि नै निर्वाचन गर्नुपर्ने भन्दै सरकारलाई दबाब दिएको बेला प्रधानमन्त्रीले यस्तो बताएका हुन् ।