काठमाडौं । सोमबार कारोबारमा आएको डेढ घण्टामै नेपाल स्टक एक्सचेञ्ज (नेप्से) मा ५० अंकभन्दा धेरैको गिरावट आएको छ ।

बिहान ११ बजेदेखि कारोबारमा आएको नेप्से परिसूचक साढे १२ सम्मको समयावधिमा ५२ अंकले घटेको हो ।

नेप्सेमा आज ५२ अंकको गिरावट आएर परिसूचक १८ सय ८१ अंकको बिन्दुमा पुगेको छ ।

यसक्रममा आज ७५ करोड ७२ लाख ९३ हजार रुपैयाँ बराबरको २३ लाख ६१ हजार कित्ता सेयर किनबेच भएको छ । यस अवधिसम्म नेप्सेमा जम्मा ३ कम्पनीको सेयर उकालो लागेको छ ।