कैलाली । सुदूरपश्चिम प्रदेशमा आइतबार मात्रै थप ५४ जनामा कोरोना पुष्टि भएको छ ।

पछिल्लो २४ घण्टामा ७११ जनाको एन्टिजेन परीक्षण गर्दा ५४ जनामा संक्रमण पुष्टि भएको स्वास्थ्य निर्देशनालय दीपायलले जनाएको छ ।

निर्देशनालयका अनुसार कैलाली, कञ्चनपुर र बैतडीका सीमा नाकामा एन्टिजेन परीक्षण गरिएको थियो । यस्तै डडेल्धुरा अस्पतालमा २ जनाको परीक्षण गर्दा कसैमा पनि संक्रमण पुष्टि नभएको निर्देशनालयले जनाएको छ ।

भारतमा कोरोना दर बढेसँगै सीमा जोडिएको सुदूरपश्चिममा पनि धमाधम संक्रमित फेला पर्न थालेका छन् ।