काठमाडौं । प्रहरीले काठमाडौंको कीर्तिपुरबाट ३५ जना मिटरव्याजपीडितलाई पक्राउ गरेको छ ।

धर्ना र प्रदर्शनका लागि माइतीघर मण्डलातर्फ हिँडेका उनीहरुलाई प्रक्राउ गरिएको हो ।

मिटरब्याजपीडितले प्रहरी कार्यालयमै नाराबाजी गरेका छन् । माइतीघर आउन नपाएपछि उनीहरुले कीर्तिपुरमै धर्ना सुरु गरेका थिए ।

सोही क्रममा ३५ जनालाई प्रहरीले पक्राउ गरेको उपत्यका प्रहरी कार्यालय काठमाडौंका प्रहरी उपरीक्षक सिताराम रिजालले जानकारी दिए ।

बिहान मिटरब्याजपीडितहरुले धर्ना जारी राखेपछि दुबै पक्षबीच झडप नै भएको थियो ।

मिटरब्याजीलाई हदैसम्मको कारबाही हुनुपर्ने र आफूलाई सरकारले न्याय दिलाउनुपर्ने पीडितको माग छ।