बाजुरा । बाजुरामा यातायात सेवा बन्द गरिएको छ । अनेरास्ववियुका केन्द्रीय सचिवालय सदस्य तथा सुदूरपश्चिम विश्वविद्यालयका अध्यक्ष चेतन अयडीको हत्यामा संलग्नलाई कारबाहीको दायरामा नल्याइएको भन्दै यातायात सेवा बन्द गरिएको हो ।

मंसिर ४ गते भएको प्रतिनिधिसभा र प्रदेशसभाको निर्वाचनका दिन भएको विवादलाई लिएर त्रिवेणी नगरपालिका ७ का अयडीमाथि घरमै कुटपिट गरिएको थियो ।

उनको उपचारका क्रममा बयलपाटा अस्पतालमा निधन भएको थियो । अनेरास्ववियुले शनिवार साँझदेखि अनिश्चितकालीन यातायात बन्दको घोषणा गरेका हुन् ।

लामो तथा छोटो दूरीका कुनै पनि सवारीसाधन चल्न सकेका छैनन् । यात्रुहरु अलपत्र परेका छन् ।