रौतहट । रौतहटको चन्द्रनिगाहपुरमा छोराले दाउराको चिरपटले हानेर बाबुको हत्या गरेका छन् ।

घरायसी विवादमा चन्द्रपुर नगरपालिका– ६ का ३२ वर्षीय प्रकाश राईले बिहीबार राति आफ्नै बुबाको हत्या गरेका हुन् ।

राईले चिर्पटले टाउकोमा प्रहार गरेर ५५ वर्षीय बुबा नीरकुमारको हत्या गरेको प्रहरीले जनाएको छ । राईलाई राति नै प्रहरीले हिरासतमा लिएर अनुसन्धान थालेको छ ।

घरायसी विवादका क्रममा छोरा प्रकाशले चिरपटले बुवा निरकुमारलाई आक्रमण गरेका थिए । टाउको र निधारमा गम्भीर चोट लागेका निरकुमार उपचारका लागि अस्पताल लगिए पनि उनको मृत्यु भएको प्रहरीले जनाएको छ ।

छोरा प्रकाशले मादक पदार्थ सेवन गरेर बुबामाथि आक्रमण गरेको प्रहरीको भनाइ रहेको छ ।