काठमाडौं । विवेकशील साझा पार्टीको अध्यक्षमा समिक्षा बाँस्कोटा चयन भएकी छिन् ।

शुक्रबारदेखि काठमाडौंमा जारी पहिलो महाधिवेशनबाट बास्कोटा सर्वसम्मत अध्यक्षमा चयन भएकी हुन् ।

यस्तै महासचिवमा रञ्जु दर्शनालाई चयन गरिएको छ । ८ पदाधिकारीलाई सर्वसम्मत चयन गरिएको विवेकशील साझाले जनाएको छ।

उपाध्यक्षमा प्रकाशचन्द्र परियार,विमला अधिकारी र मिलन पाण्डे चयन भएका छन् भने सचिवमा पवित्रा थापा, विमल तामाङ चयन भएका छन्। यसैगरी कोषाध्यक्षमा दामोदर नेपाललाई चयन गरिएको बताइएको छ ।