काठमाडौं । नेपाल प्रहरीका दुई जना डीआईजीको सरुवा भएको छ । प्रहरी प्रधान कार्यालयले डीआईजी पोषराज पोखरेल र रामदत्त जोशीलाई काजमा खटाउने निर्णय गरेको हो ।

सरुवा सूचीअनुसार डीआईजी जोशी विशेष ब्यूरोमा काज सरुवा भएका छन् । ब्यूरोमा कार्यरत सुदीप गिरी एआईजीमा बढुवा भएपछि ब्यूरो रिक्त रहेको थियो ।

जोशी यसअघि योजना तथा अन्वेषण निर्देशनालयमा कार्यरत थिए । यस्तै प्रहरीको केन्द्रीय प्रवक्ता समेत रहेका डीआईजी पोषराज पोखरेललाई उपत्यका ट्राफिक कार्यालयमा सरुवा गरिएको छ ।

त्यहाँ कार्यरत मिरा चौधरी एआईजीमा बढुवा भएपछि ट्राफिक कार्यालय प्रमुखबिहिन बनेको थियो ।