काठमाडौं । धरान उपमहानगरपालिकाका मेयर हर्क साम्पाङले कोशीको पानी धरान ल्याउने प्रोजेक्टमा बजेट नपरे धरानमा सांसद्हरुलाई निषेध गर्ने चेतावनी दिएका छन् ।
उनले शनिबार सामाजिक सञ्जालमार्फत यस्तो चेतानी दिएका हुन् । उनले यसपालिको बजेटमा कोशीको पानी ल्याउने प्रोजेक्ट परेन भने माननीयज्यूहरूको तीनकुने मै फोटोसहित बोर्ड राखिने बताए ।
उनले लेखेका छन् ‘यसपालिको बजेटमा कोशीको पानी ल्याउने प्रोजेक्ट परेन भने माननीयज्यूहरूलाई धरानमा निषेध गरिनेछ १ तल तीनकुने मै बोर्ड राखिनेछ फोटो सहित को ! ख्याल नठान्नु होला ! यो फेसबुक चलाउने मान्छे धरानको नगर प्रमुख हो भन्ने नभुल्नु !’
साम्पाङको यो अभिव्यक्तिमा काठमाडौँ महानगरका मेयर बालेन शाहले पनि समर्थन जनाएका छन् । राईको स्ट्याटसमा शाहले लेखेका छन् ‘पूर्ण समर्थन, गर्ने नै यही हो ।’
Leave a Reply