दाङ । दाङमा आफ्नै छोरीलाई बलात्कार गरेको आरोपमा प्रहरीले बुवालाई पक्राउ गरेको छ ।

इलाका प्रहरी कार्यालय तुल्सीपुरका अनुसार १४ वर्षीया बालिकाले आफूमाथि बलात्कार भएको भन्दै गत वैशाख २ गते उजुरी दिएपछि ३७ वर्षिय बुवालाई पक्राउ गरिएको हो ।

पिडितकी आमा विदेशमा छन् । घरमा कोही नभएको बेला बाबुले आफूलाई पटक–पटक बलात्कार गरेको छोरीले प्रहरीलाई दिएको जाहेरीमा उल्लेख गरेकी छिन् ।

पछिल्लो पटक गत चैत्र ३० गते बुवाले बलात्कार गरेको जाहेरीमा उल्लेख छ । पक्राउ परेका बुवामाथि हाडनाता करणीको मुद्दामा अनुसन्धान अघि बढाइएको प्रहरीले जनाएको छ ।