चितवन । शनिबार रातिदेखि पहिरोले अवरुद्ध भएको नारायणगढ-मुग्लिन सडकखण्ड सञ्चालनमा आएको छ ।

तुइन खोला पुलनजिकै पहिरो जाँदा अवरूद्ध भएको सडक आइतबार साँझ पौने ६ बजेतिर खुलेको हो ।

सडक दुईतर्फी नै खुलेको भरतपुर डिभिजन सडक कार्यालयले जनाएको छ । इच्छाकामना गाउँपालिका-५ तुइन खोलामा नारायणगढतर्फको भागमा खसेको पहिरोले सडक अवरुद्ध भएको थियो ।

आइतबार दिनभर एक्साभेटरले पहिरो जाँदा खसेको ढुंगा माटो फालेपछि सडक सञ्चालनमा आएको हो । सडक खुलेपछि शनिबार रातिदेखि सडकमा अलपत्र गाडीहरु गन्तव्यतर्फ जान थालेका छन् ।