मकवानपुर । मकवानपुरको बागमती गाउँपालिका–५ र काभ्रेको खानीखोला गाउँपालिका–५ को सिमानामा रहेको घरमा पहिरो खस्दा ६ जना पुरिएका छन् ।
खानिखोला गाउँपालिका अध्यक्ष इन्द्र थिङका अनुसार खानिखोला ५ घर भई बागमती गाउँपालिका गएका एकै परिवारका ६ जना सिक्रे दोभानमा पहिरोले पुरिएका हुन् ।
पुरिनेहरुमा अक्कलबहादुर स्याङतान, उनको श्रीमती शान्तिमाया स्याङतान, छोरी ज्वाई शिला स्याङतान र जीवन पहरी छन् ।
साथै उनीहरुका दुई सन्तान साढे दुई बर्षिय छोरा र साढे एक वर्षका छोरा पुरिएका छन् ।
पुरिएका मध्ये शान्तिमाया स्याङतानको उद्धार गरी मकवानपुरको भोर्लेनीमा लगिएको छ । अवस्था चिन्ताजनक रहेको स्थानीयलाई उदृत गरी गाउँपालिका अध्यक्ष इन्द्र थिङले जानकारी दिए ।
पुरिएका मध्ये अन्यको खोजी कार्य जारी रहेको छ । अविरल वर्षासँगै आएको बाढीपहिरोले विभिन्न क्षेत्रमा क्षति पुर्याएको उनले बताए ।
Leave a Reply