काठमाडौं । नेपाल क्रिकेट संघ (क्यान) को सचिवमा पारस खड्का विजयी भएका छन् ।

प्रतिस्पर्धी प्रशान्तविक्रम मल्ललाई पछि पार्दै नेपाली राष्ट्रिय क्रिकेट टिमका पूर्वकप्तान खड्का सचिव पदमा विजयी भएका हुन् ।

क्यानको निर्वाचनमा भएको मतदानमा कुल ८५ मत खसेको थियो ।

जसमध्ये खड्काले ४८ मत ल्याएर विजयी भएका हुन् भने उनका प्रतिस्पर्धी मल्लले ३७ मत पाएका छन् । खड्काले ११ मतान्तरले विजयी भएका हुन् ।

क्यानको अध्यक्षमा चतुरबहादुर चन्द निर्विरोध निर्वाचित भइसकेका छन् ।

क्यानको उपाध्यक्षमा रोशनकुमार सिंह, कोषाध्यक्षमा पदमबहादुर खड्का र महिला सदस्यमा जयन्तीदेवी भट्ट पनि निर्विरोध निर्वाचित भएका छन् ।