काठमाडौं । नेपाली कांग्रेसका नेता दिलेन्द्रप्रसाद बडूले नेपाली कांग्रेस पार्टी विधान अनुसार चल्न नसकेको बताएका छन् ।

काठमाडौंमा आयोजित १४औं महाधिवेशनको ‘संकल्प, उत्साह, एकता र रुपान्तरण’ विषयक विचारक गोष्ठीमा बोल्दै नेता बडूले यस्तो बताएका हुन् ।

रुपान्तरण अभियानका विषयमा हामी गम्भीर ढंगले केन्द्रित हुनुपर्ने बताउँदै उनले पार्टी आफ्नो विधान अनुसार चल्न नसकेको दाबी गरे ।

उनले भने, ‘नेविसंघ, तरुण दललगायतका भातृ संगठनमा मनोमानी भएको छ। भाद्र १५ गतेभित्र सबै भातृसंगठनको पूर्णता पाएको छैन ।’