काठमाडौं । परराष्ट्रमन्त्री एनपी साउद कात्तिक ८ गते संयुक्त राज्य अमेरिका जाने भएका छन् ।

उनी यही कात्तिक ८ देखि १६ गतेसम्म संयुक्त राज्य अमेरिकाको भ्रमणमा जान लागेका हुन् ।

मन्त्रिपरिषद्को आजको बैठकले सो निर्णय गरेको जानकारी सञ्चार तथा सूचना प्रविधिमन्त्री रेखा शर्माले दिइन् ।

यस्तै आगामी मङ्सिर १९ र २० मा संयुक्त राष्ट्रसङ्घको आयोजनामा घानामा हुने युएन पिस किपिङ मिनिस्ट्रियल बैठकमा सहभागी हुन उपप्रधानमन्त्री एवं रक्षामन्त्री पूर्णबहादुर खड्का नेतृत्वको प्रतिनिधिमण्डललाई स्वीकृति प्रदान गरेको छ ।