काठमाडौं । नेपाल आयल निगमका कार्यकारी निर्देशक उमेशप्रसाद थानीले पदबाट राजीनामा दिएका छन्।
मंगलबार अपराह्न ४ बजे उद्योग वाणिज्य तथा आपूर्ति मन्त्रालयमा पुगेर थानीले राजीनामा दिएका हुन् ।
सरकारले २०७८ फागुन २६ गतेको निगमको कार्यकारी निर्देशकमा थानीलाई तीन वर्षका लागि नियुक्त गरेको थियो ।
थानीले राजीनामाको कारण भने खुलाएका छैनन्। २१ महिना सफलतापूर्वक कार्य सम्पादन गरेका थानीले १५ महिना अगाबै पदबाट राजिनामा दिएका हुन् ।
थानीको नेतृत्वमा इन्डियन आयल कर्पोरेसन ‘आइओसी’लाई ३१ अर्ब रुपैयाँ बक्यौता चुक्ता र सरकारको ७ अर्ब ऋण तिरेर निगमलाई ऋणमुक्त गराएका थिए।
थानीले निगमलाई आर्थिक वर्ष २०७९/८०मा १८ अर्ब नाफा समेत लगेका थिए।
थानी नेपाली कांग्रेसका सभापति शेरबहादुर देउवा निकट मानिन्छन् । आयल निगममा आउनुअघि उनलाई क्यानडाका लागि राजदूतको प्रस्ताव आएको बताइन्छ ।
तर, उक्त प्रस्ताव छाडेर थानी आयल निगम आएका थिए । उनलाई अहिले जापानका लागि नेपाली राजदूत वा राष्ट्रियसभा सदस्यको प्रस्ताव भएको चर्चा छ ।
Leave a Reply