काठमाडौं । भारत र रुसले कुडानकुलम आणविक ऊर्जा प्लान्टमा भविष्यको ऊर्जा उत्पादन एकाइहरू निर्माण गर्न केही ‘अत्यन्त महत्त्वपूर्ण’ सम्झौतामा हस्ताक्षर गरेका छन् ।

रुसको पाँचदिने भ्रमणमा रहेका भारतीय विदेशमन्त्री एस जयशंकरले रुसी उपप्रधानमन्त्री डेनिस मान्टुरोफसँगको भेटपछि उक्त सम्झौताको घोषणा गरेका हुन् ।

‘मेरो र उपप्रधानमन्त्री मान्तुरोभको उपस्थितिमा हामीले कुडनकुलम आणविक परियोजनासँग सम्बन्धित सम्झौतालगायत धेरै महत्त्वपूर्ण सम्झौताहरूमा हस्ताक्षर गरेका छौँ,’ रुसमा बसोबास गर्ने भारतीय जनतालाई सम्बोधन गर्दै जयशंकरले भने ।

भारतीय सञ्चारमाध्यमका अनुसार रुसको प्राविधिक सहयोगमा तमिलनाडुमा भारतको सबैभन्दा ठूलो कुडानकुलम आणविक ऊर्जा केन्द्र निर्माण भइरहेको छ।