काठमाडौं । एसपी रमेश कुमार बस्नेत एसएसपी बढुवामा सिफारिस भएसँगै नेपाल प्रहरीमा एसपीका आठ पद रिक्त भएका छन् ।

रिक्त पदभन्दा धेरै आकांक्षी हुँदा ६ महिनादेखि डिएसपीबाट एसपीमा बढुवा हुन सकेको छैन । यसअघि एसपीका सात पद रिक्त थिए । अब आठ पद रिक्त भएका छन् । एसपी बढुवाकै लागि एसएसपीमा एकल बढुवा गरिएको प्रहरी प्रधान कार्यालय स्रोत बताउँछ ।

रिक्त पदको बढुवामा डिएसपीहरू प्रदीप क्षेत्री, अंगुर जिसी, ढकेन्द्र खतिवडा, यादब ढकाल, श्यामबाबु ओलीया, नारायण रंजितकार, निरञ्जनदत्त भट्ट, राजन लिम्बु, सन्तोष तामाङ, अनन्त शर्मा, एकनारायण कोइराला र विनोद घिमिरे प्रतिस्पर्धामा छन् ।

उनीहरुमध्ये राजन लिम्बु र सन्तोष तामाङ केपी ओलीका पूर्वपिएसओ हुन् भने १२ नम्बरमा रहेका घिमिरे प्रधानमन्त्री प्रचण्डका पूर्वपिएसओ हुन् ।

घिमिरेलाई जसरी पनि बढुवा गर्नुपर्ने दबाबका कारण एसपी बढुवा हुन नसकेको हो । प्राविधिकतर्फका अन्य केही पद पनि तानेर एसपी बढुवा गर्नेबारे समेत छलफल भइरहेको स्रोत बताउँछ ।