एजेन्सी । अमेरिकाका राष्ट्रपति डोनाल्ड ट्रम्प र न्युयोर्कका नवनिर्वाचित मेयर जोहरान ममदानीबीच ह्वाइट हाउसमा भेटवार्ता भएको छ । न्यूयोर्कमा हालै भएको मेयर चुनावका क्रममा दुवैले एकअर्काको आलोचना गरेका थिए ।
ट्रम्पले मेयरको चुनावअघि मतदातालाई ममदानीलाई मतदान नगर्न आग्रह समेत गरेका थिए भने ममदानी विजयी भएमा न्यूयोर्कलाई दिइने सङ्घीय बजेट कटौती गर्ने सम्मको चेतावनी दिनुभएको थियो ।
तर ३४ वर्षीय डेमोक्रेटिक सोसलिस्ट ममदानीले मेयरमा निर्वाचित भएसँगै उनको विश्वभर चर्चा भएको थियो ।
ह्वाइट हाउसको बैठकपछि राष्ट्रपति ट्रम्पले ममदानीको प्रशंसा गरे । पछिल्लो भेटपछि राष्ट्रपति ट्रम्पले आफूले सोचेभन्दा धेरै कुरामा सहमत बनेको बताए ।