Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
शुक्रवार , माघ १६, २०८२
काठमाडौं । नेपाल प्रहरीको राशन रकम वृद्धि गर्ने सरकारको निर्णयलाई प्रहरी महानिरीक्षक (आईजीपी) दानबहादुर कार्कीले न्याय, समानता र प्रहरीको मनोबल सुदृढीकरणका दृष्टिले महत्वपूर्ण उपलब्धि भएको बताएका छन् ।
शुक्रबार सामाजिक सञ्जालमार्फत प्रतिक्रिया जनाउँदै आईजीपी कार्कीले सरकारको उक्त निर्णयले प्रहरी कर्मचारीको सेवाप्रति सम्मान र संस्थागत न्यायको सन्देश दिएको उल्लेख गरेका हुन् ।
आईजीपी कार्कीका अनुसार नेपाल प्रहरीभित्र लामो समयदेखि उठ्दै आएको जायज तथा अपेक्षित मागलाई सम्बोधन गर्दै राशन रकम वृद्धि गरिएको हो ।
उनले भने, 'नेपाल प्रहरीको राशन वृद्धि हुनु न्याय, समानता तथा प्रहरीको मनोबल सुदृढीकरणका दृष्टिले एक महत्वपूर्ण उपलब्धि हो।'
यस निर्णयका लागि उनले नेपाल सरकार, तालुक गृह मन्त्रालय, अर्थ मन्त्रालय तथा निर्णय प्रक्रियामा संलग्न सम्पूर्ण सरोकारवाला निकायप्रति हार्दिक आभार व्यक्त गरेका छन् ।
[insert page='390179' display='yopanipadhnuhos.php']
आईजीपी कार्कीले संस्थागत न्यायलाई मूल आधार मानी सेवामा समर्पित प्रत्येक प्रहरी कर्मचारीको हक–हित सुनिश्चित गर्न नेपाल प्रहरी निरन्तर प्रतिबद्ध रहने स्पष्ट पारे ।
उनका अनुसार प्रहरी संगठनको मनोबल उच्च राख्नु शान्ति–सुरक्षा कायम गर्न, कानून कार्यान्वयन प्रभावकारी बनाउन र नागरिक सेवामा गुणस्तर वृद्धि गर्न प्रत्यक्ष रूपमा जोडिएको विषय हो ।
प्रहरीको राशन भत्ता वृद्धि गर्न आईजीपी दानबहादुर कार्कीले पहल गर्दै आएका थिए। प्रहरी प्रमुखको जिम्मेवारी सम्हालेदेखि नै उनले प्रहरीका सेवा–सुविधा विस्तार र कल्याणसम्बन्धी विषयलाई प्राथमिकतामा राख्दै सक्रिय भूमिका निर्वाह गर्दै आएका छन्।
© 2026 All right reserved to onlinenepal.com
Design & Developed By
