काठमाडौं । जिल्ला अदालत काठमाडौंले गोंगबु हत्याकाण्डकी आरोपी कल्पना पौडेल मुडवरीलाई पुर्पक्षको लागि थुनामा राख्न आदेश दिएकाे छ । अभियुक्त पाैडेललाई बिहीबार पुर्पक्षका लागि थुनामा पठाउन आदेश दिएको हो । भने हत्यामा संलग्न रहेकी उनकी छोरीलाई भक्तपुरस्थित बालसुधार गृह, सानोठिमी पठाएको छ ।

२५ साउनमा गोंगबुस्थित गणेश स्थानमा सुटकेशमा बन्द गरेको अवस्थामा एक पुरुषको शव फेला परेको थियो । शवको पहिचान नभएपछि प्रहरीले फोटो सार्वजनिक गरेकाे थियाे । तस्बिर सार्वजनिक गरेलगत्तै २६ साउनमा उक्त शव दाङका कृष्णबहादुर बोहोराको रहेको खुल्यो ।