काठमाडौँ। प्रतिनिधिसभाको चौंथो ठुलो दल जनता समाजवादी पार्टी (जसपा) नयाँ सत्ता समीकरणमा निर्णायक भूमिकामा रहेको छ।

पछिल्लो समय राजनीतिक भेटघाटलाई तीब्रता दिएको जसपाले कुनै ठोस निर्णय लिन भने सकेको छैन ।

यसैबीच, आज जसपाको पदाधिकारी बैठक बस्दै छ ।

बबरमहलस्थित पार्टी कार्यालयमा दिउँसो दुई बजे बैठक बोलाइएको नेता अशोक राईले बताए ।

राईका अनुसार आजको बैठकमा पार्टीको संगठनात्मक संरचनाको खाका तयार पार्नेलगायतका विषयमा छलफल हुनेछ ।

आगामी बिहीबार बस्ने कार्यकारिणी परिषदको बैठकमा संगठनात्मक खाका प्रस्तुत गर्ने जसपाको तयारी छ ।