नयाँदिल्ली। भारतको राजधानी नयाँदिल्लीमा एक नेपाली महिलाको गोली हानी हत्या भएको छ ।

नुवाकोट घर भएकी ४५ वर्षीय मिना तामाङलाई लुटेराहरूले गोली हानी हत्या गरेका हुन् ।

बुधबार बिहान करिब सात बजे मोटरसाइकलमा आएका दुई जना लुटेराले पसल लुट्न खोज्दा तामाङले प्रतिकार गर्दा उनीमाथि गोली हानेको दिल्ली प्रहरीले बताएको छ ।

गोली लागि घाइते भएकी तामाङको उपचारका क्रममा मृत्यु भएको पनि प्रहरीले जानकारी दिएको छ । लुटेराहरुको खोजी भइरहेको प्रहरीले बताएको छ ।

तामाङ नयाँदिल्लीको मजनुका टिलामा करिब पाँच वर्ष देखि किराना पसल गर्दै आएकी थिइन।