सिआईबीद्वारा ६१ लाख जरिवाना भएका बैंकिङ् मुद्धाका फरार अभियुक्त पक्राउ

सिआईबीद्वारा ६१ लाख जरिवाना भएका बैंकिङ् मुद्धाका फरार अभियुक्त पक्राउ

अनलाइन नेपाल
  • सोमबार, चैत्र २३ २०७७

  • 1.8K
    SHARES

  • सिआईबीद्वारा ६१ लाख जरिवाना भएका बैंकिङ् मुद्धाका फरार अभियुक्त पक्राउ

    काठमाडौं । नेपाल प्रहरीको केन्द्रीय अनुसन्धान ब्यूरो (सिआईबी)को टोलीले बैंकिङ कसूर मुद्दामा दोषी ठहर भई फरार रहेका एकजनालाई पक्राउ गरेको छ।

    सिआईबीको टोलीले खोटाङ रुपाकोट मझुवागढी नगरपालिका-१५ का बरुण ढकाललाई काठमाडौंको पेप्सीकोलाबाट पक्राउ गरिएको सिआईबी प्रमुख डिआइजी सहकुल थापाले बताए ।

    पक्राउ परेका उनीविरुद्ध उच्च अदालत पाटनले बैंकिङ कसूर मुद्दामा गत पुस १५ गते ५ दिन कैद र ६१ लाख ५५ हजार रुपैयाँ जरिवानाको सजाय सुनाएको थियो ।

    डिआइजी थापाका अनुसार पक्राउ परेका ढकालले गत चैत २० गते आफ्नो खातामा पर्याप्त रकम नहुँदा पनि कमलाकुमारी राईलाई ५६ लाख १५ हजार र कल्पनाकुमारी राईलाई ५ लाख ४० हजार रुपैयाँको चेक दिएका थिए।

    पक्राउ परेका तामाङ्गलाई यसअघि नै बैंकिङ् कसूर तथा सजाय ऐन बमोजिम सजाय हुने फैसला भएको सिआईबीले जनाएको छ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार