काठमाडौँ। पछिल्लो २४ घण्टामा मुलुकभर थप ६,७१४  जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका सहायक प्रवक्ता समीरकुमार अधिकारीका अनुसार पछिल्लो २४ घण्टामा पिसिआर परीक्षणबाट ६ हजार ६ सय ७७ जना र ३७ जनाको एन्टिजेन विधिबाट परीक्षण गर्दा ६,७१४  जनामा  संक्रमण पुष्टि हो।

यसैगरी, पछिल्लो २४ घण्टामा ६ हजार ७ सय १६ जना संक्रमणमुक्त भएका छन् ।

त्यस्तै, यस अवधिमा १४५ जनाको मृत्यु भएको मन्त्रालयले जनाएको छ।

यसअघि मंगलबार थप ८६३६ जनामा कोरोनाभाइरस संक्रमण पुष्टि भएको थियाे भने १६९ जनाको मृत्यु भएको थियाे ।