काठमाडौँ । गत शुक्रवारबाट प्रदर्शनमा आएको साउथ सुपरस्टार अल्लुअर्जुन अभिनित फिल्म ‘पुष्पा’ ले भारतीय बक्सअफिसमा रेकर्ड राखेको छ ।

भारतीय मिडियाहरुका अनुसार हिन्दी डबमा समेत राम्रो कमाई गरिरहेको फिल्मले तमिल, तेलुगू, कन्नड र मलालयम भाषामा रेकर्ड ब्रेक व्यापार गरेको छ । प्रदर्शनको चार दिनमा फिल्मले भारतमा मात्र १ सय २० करोड भारुको कमाई गरेको बताइएको छ।

बक्सअफिस ट्रेक ह्यान्डल सिनेट्रेकका अनुसार, विश्व बक्सअफिसमा ‘पुष्पा’ ले तेस्रो स्थान बनाएको छ । भारतमा प्रदर्शनको चार दिनमा १ सय २० करोड छापेको फिल्मले अन्तर्राष्ट्रिय बजारमा २० करोड कमाएको सिनेट्रेकले उल्लेख गरेको छ । फिल्मले चार दिनमै विश्वभरबाट १ सय ४० करोड ७ लाख कमाएको छ । फिल्मले विदेशमा सबैभन्दा बढी नर्थ अमेरिकामा कमाई गरेको छ ।

रक्त चन्दनको तस्करी कथामा निर्माण भएको फिल्मलाई दर्शकहरुले उत्कृष्ट प्रतिक्रिया दिएका छन् । फिल्ममा अल्लुअर्जुन र रश्मिका मन्दाना मुख्य भूमिकामा देखिएका छन्।

‘ @alluarjun‘s #Pushpa after blasting over ₹120 crore domestically, steals another $2.63M (₹20 crore) from International markets taking its Global opening weekend total to ₹140.7 crore.

North America: $1.62M
Gulf: $0.48M
ANZ: $0.26M
UK/Europe & rest: $0.27M#PushpaTheRise pic.twitter.com/Y2wksxe0Br

— Cinetrak (@Cinetrak) December 20, 2021