काठमाडौं । सूर्या लाइफ इन्स्योरेन्स कम्पनीले १० लाखको वीमा गरेका बीमितलाई २० लाख ४८ हजार हस्तान्तरण गरेको छ ।

इन्स्योरेन्सको केन्द्रीय कार्यालयले एक कार्यक्रमको आयोजना गरी पाख्रीबास नगरपालिका वडा नं. ७ का मृतक बीमित कृष्णबहादुर थापाको बहिनी गंगा थापालाई मृत्युदावी रकम हस्तान्तरण गरेको हो ।

बीमित थापाको १० लाख बीमांकको बीमा लिएको ६ मिहिना नबित्दै सडक दुर्घटनाको कारण मृत्यु भएको थियो ।

कम्पनीले बीमाङ्क बापतको १० लाख, दुर्घटना सुविधा बापत रु. १० लाख र बोनस बापत रु. ४८ हजार थप गरी एकमुष्ठ २० लाख ४८ हजार बीमितले इच्छाएको व्यक्ति गंगा थापालाई हस्तान्तरण गरेको हो ।

स्व. बीमितको परिवारलाई सूर्या लाइफ इन्स्योरेन्स कम्पनीका बरिष्ठ सहायक महाप्रवन्धक नरोत्तम ढकालमार्फत कम्पनी सचिव भरत केसी, दावी बिभाग प्रमुख राजु राजचल र दावी बिभागका कर्मचारी तारणी कटुवालको उपस्थितिमा चेक हस्तान्तरण गरेको कप्पनीले विज्ञप्तिमार्फत जनाएको छ ।