काठमाडौं । रुसले युक्रेनमाथि आक्रमण जारी राखेको अवस्थामा युक्रेनमा शान्तिको कामना गर्दै नेपालमा दीप प्रज्वलन गरिएको छ ।
नेपालस्थित संयुक्त राज्य अमेरिकासहित विभिन्न देशका राजदूतले काठमाडौंको वौद्धनाथमा दीप प्रज्वलन गरेका हुन् ।
बिहीबार साँझ वौद्धनाथमा गरिएको दीप प्रज्वलनमा अमेरिका, जर्मनी, फ्रान्स, स्वीटजरल्याण्ड र फिनल्याण्डका राजदूतहरुको उपस्थिति रहेको थियो ।
नेपालस्थित कूटनीतिक नियोगका प्रतिनिधिहरुले युक्रेनको समर्थनमा आज साँझ बौद्ध स्तूपमा दीप प्रज्ज्वलन गर्दा केही युक्रेनी नागरिक पनि सहभागी थिए । उनीहरुले शान्तिको कामनासमेत गरेका छन् ।
विगत ८ दिनदेखि रूस र युक्रेनबीच युद्ध भइरहेको छ ।
Leave a Reply