अछाम । अछामको ढकारी गाउँपालिकाको अध्यक्षमा नेपाली काँग्रेसका प्रकाशबहादुर साउँद निर्वाचित भएका छन् ।

उनले ३ हजार १८१ मतका साथ विजयी हासिल गरेका हुन् ।

उनका निकटतम प्रतिस्पर्धी एमालेका धर्मबहादुर शाहीले २ हजार ५५५ मत पाए । एकीकृत समाजवादीका शेरबहादुर बुढाले १ हजार ५९० मत पाए । तेस्रोमा समाजवादी भएको छ ।

त्यसैगरी उपाध्यक्षमा काँग्रेसकै नेत्रकला देवी शाही ३ हजार १०० मतका साथ विजयी भइन् ।

उनकी निकटतम प्रतिस्पर्धी माया देबी बुढाले २ हजार ५७३ मत प्राप्त गरिन् ।