कैलाली । कैलालीको कैलारी गाउँपालिकामा गठबन्धनबाट कार्बाहीमा परेका काँग्रेसका राजसमझ चौधरी विजयी भएका छन् ।

गठबन्धनको सिट बाँडफाँडमा माओवादी केन्द्रको भागमा परेको भन्दै कार्बाहीमा परेका काँग्रेसका चौधरी गाउँपालिकाको अध्यक्षमा विजयी भएका हुन् ।

उनले गठबन्धनका आधिकारिक उम्मेदवार माओवादीका लाजुराम चौधरीलाई पराजित गरेका हुन्। राजसमझले १० हजार ४ सय ९२ मत प्राप्त गरे भने लाजुरामले ६ हजार ४ सय ३० मत प्राप्त गरेका छन्।

उपाध्यक्षमा कांग्रेसकी भागवतीकुमारी चौधरी विजयी भएकी छन्। उनले १० हजार ४ सय ८४ मत ल्याएर निर्वतमान उपाध्यक्ष माओवादी केन्द्रकी लक्ष्मी सत्गौवा थारुलाई पराजित गरेकी छन्।