काठमाडौं । नेकपा एमालेले १३ केन्द्रीय विभागका सचिव मनोनित गरेको छ । आइतबार बसेको पार्टीको सचिवालय समितिको बैठकले १४ वटा विभागको सचिव मनोनित गरेको हो ।

प्रचार विभाग प्रमुख तथा उपमहासचिव पृथ्वी सुब्बा गुरुङका अनुसार बैठकले वित्त तथा आर्थिक विभागमा डा भीष्म अधिकारी, संगठन विभागमा सम्झना देवकोटा, उपभोक्ता हित संरक्षण विभागमा मोहिनी खनाल र श्रम तथा रोजगार विभागमा जनक चौधरीलाई मनोनित गरेको छ ।

यसैगरी संसदीय विभागमा डा सूर्य पाठक, सामाजिक सेवा विभागमा डा नेत्रप्रसाद तिमिल्सिना र संस्कृति विभागमा राजेश थापा चयन भएका छन्।

संघीय मामिला विभागमा शिव गुरुङ, ऊर्जा तथा जलस्रोत विभागमा पुष्प ज्योति ढुंगाना र कानून विभागमा डिल्लीराम मैनालीलाई सचिव बनाइएको छ।

यस्तै स्थानीय तह विभाग सचिवमा हर्क राई, प्रचार तथा प्रकाशन विभागको सचिवमा गगन विष्ट र परराष्ट्र विभागको सचिवमा डा अन्जान शाक्यलाई मनोनित गरिएको प्रचार विभाग प्रमुख गुरुङले जानकारी दिए ।