काठमाडौं । जेलमै गएर गुण्डा नाइकेलाई भेट्ने डिएसपी मिलन केसीमाथि विभागीय कारवाही भएको छ ।

गुन्डा नाइके समीरमान बस्नेतलाई जेलमै भेट्न गएका प्रहरी वृत्त स्वयम्भुका तत्कालीन प्रमुख प्रहरी नायब उपरीक्षक केसीलाई प्रहरी प्रधान कार्यालयले विभागीय कारबाही गरेको हो ।

प्रहरी प्रधान कार्यालयले उनलाई नसिहत दिएको हो । केसीलाई ट्र्याक रेकर्ड राख्ने गरी नसिहत दिइएको प्रहरी प्रवक्ता एसएसपी विष्णु केसीले जानकारी दिए ।

डीएसपी केसीले बिदाका दिन २९ जेठ गते हत्या आरोपमा जेलमा रहेका गुन्डा नाइके समीरमानसिंह बस्नेतलाई भेटेका थिए ।

हत्या अभियोगमा केन्द्रीय कारागारमा रहेका गुन्डा नाइके समिरमानसिंह बस्नेतलाई डिएसपी मिलन केसीले भेटेको समाचार बाहिरिएपछि काठमाडौं जिल्ला परिसरले एसपी दिनेशराज मैनालीको संयोजकत्वमा छानविन समिती गठन गरेको थियो ।

मैनालीको समितिले प्रतिवेदन बुझाएको थियो । सोही आधारमा डिएसपी केसीमाथि विभागीय कारबाही भएको हो ।