बाजुरा । बाजुराको बुढीगंगा नगरपालिकामा एमालेका उम्मेदवारले अग्रता कायमै राखेका छन् ।

कांग्रेसले अग्रता घटाए पनि एमालेले अग्रता कायमै राखेको हो ।

पछिल्लो विवरणअनुसार ७ हजार ४१७ मत गणना हुँदा मेयरमा एमालेका रामबहादुर बानियाँले ३ हजार ८८१ मत ल्याएका छन् ।

उनलाई पछ्याइरहेका कांग्रेसका रंगबहादुर खातीले ३ हजार १०१ मत ल्याएका छन् । उनीहरूबीच ७८० मतको फरक छ ।

उपमेयरमा एमालेकी मायाकुमारी खड्काले ३ हजार ७५३ ल्याएकी छन् । कांग्रेसकी रिता शाहले ३ हजार १५३ मत ल्याएकी छन् । एमालेकी खड्का ६०० मतले अगाडि छन् ।