काठमाडौं । नेपाल राष्ट्र बैंकले आज मौद्रिक नीति सार्वजनिक गर्ने भएको छ । नेपाल राष्ट्र बैंकका गभर्नर महाप्रसाद अधिकारीले आज बिहान सवा ८ बजे संचालक समितिको बैठक बोलाइका छन् । बैठकले चालु वर्षको मौद्रिक नीति पारित गर्नेछ ।

त्यसपछि गभर्नर अधिकारीले दिउँसो मौद्रिक नीति सार्वजनिक गर्नेछन्। गभर्नरले चालु वर्ष कसिलो नीति लिनु पर्ने आवश्यकता रहेको बताइसकेका छन्।

उनले ब्याज दर वृद्धि र केही नियामकीय प्रावधानमा कस्ने बताएका छन्। स्रोतका अनुसार अनिवार्य तरलता अनुपात सिआरआर ३ प्रतिशतलाई ५/६ प्रतिशत पुर्‍याउने तयारी राष्ट्र बैंकको छ।

स्थायी तरलता सुविधा ७ बाट ९ प्रतिशत पुग्नेछ । गभर्नर अधिकारीले बिहीबार अर्थ मन्त्रालयसमेत सम्हालिरहेका प्रधानमन्त्री शेरबहादुर देउवालाई मौद्रिक नीतिका विषयमा ब्रिफिङ गरिसकेका छन् ।

गत वर्ष ढिला गरी मौद्रिक नीति आएको थियो। अध्यादेशमार्फत आएको बजेट संशोधनको तयारी भइरहेको भन्दै गत वर्ष मौद्रिक नीति ढिला गरिएको थियो।