एजेन्सी । इंग्लिस प्रिमियर लिगमा म्यानचेस्टर युनाइटेड र टोटेनहमले जित हात पारेका छन् ।

आइतबार राति भएको खेलमा युनाइटेडले लेस्टर सिटीलाई ३-० गोलले पराजित गरेको हो ।

युनाइटेडका लागि रास्फोर्डले २५ र ५६ मिनेटमा गोल गर्दा सान्चोले ६१ मिनेटमा तेस्रो गोल गरे ।

यस्तै टोटेनहमले वेस्ट ह्यामलाई २-० गोलले पराजित गरेको छ । टोटेनहमका लागि इमर्सन रोयलले ५६ र सन मिनले ७२ मिनेटमा गोल गरे।

लिगमा युनाइटेड २४ खेलबाट ४९ अंक जोड्दै तेस्रो र टोटेनहम ४२ अंक जोडेर चौथो स्थानमा छन् ।