काठमाडौं । आठ दलीय गठबन्धनका नेताहरूले राष्ट्रपतिमा काँग्रेसका उम्मेदवार रामचन्द्र पौडेललाई जिताउन कोसी प्रदेशका सांसदहरूलाई निर्देशन दिएका छन् ।
विराटनगरमा प्रदेश सांसदहरूको संयुक्त भेला आयोजना गर्दै गठबन्धनमा सामेल काँग्रेस, माओवादी, एकीकृत समाजवादी, जनता समाजवादीलगायतका केन्द्रीय नेताहरूले इमानदारीपूर्वक मत दिएर पौडेललाई जिताउन निर्देशन दिएका हुन् ।
कांग्रेसका महामन्त्री विश्वप्रकाश शर्माले गणतन्त्र र संघीयताको दिगो प्रवर्द्धनका लागि पौडेललाई राष्ट्रपतिमा विजयी गराउनुको विकल्प नभएको बताए ।
गठबन्धनका उम्मेदवारलाई मत दिन पाउने कांग्रेसका २९, माओवादी केन्द्रका १३, एकीकृत समाजवादीका चार र जनता समाजवादीका एक सांसद रहेको प्रदेशमा कसैले दायाँबायाँ गरेर फ्लोरक्रस गरे स्पटमै कारबाही हुने चेतावनी समेत दिएका छन् ।
Leave a Reply