काठमाडौं । फ्रेन्च क्लब पेरिस सेन्ट जर्मन (पीएसजी) ले आफ्ना स्टार खेलाडी लियोनल मेसीमाथिको निलम्बन फुकुवा गरेको छ ।
पीएसजीले क्लबसँग स्वीकृति नलिई साउदी अरबको भ्रमण गरेको भन्दै गत बुधबार यी अर्जेन्टिनी स्टारलाई दुई साताका लागि निलम्बन गरेको थियो ।
त्यसपछि मेसीले गत शुक्रबार एक भिडियो सन्देश जारी गर्दै आफ्नो गल्तीका लागि पीएसजीसँग माफी मागेका थिए ।
मेसीले माफी मागेपछि पीएसजीले उनको निलम्बन फुकुवा गरेको हो । मेसी क्लबको नियमित प्रशिक्षणमा पनि फर्किएका छन् ।
Leave a Reply