एजेन्सी । अमेरिकी राष्ट्रपति जो बाइडेनले रुसको आक्रमणविरुद्ध उभिन सबैलाई आह्वान गरेका छन् ।

संयुक्त राष्ट्र संघको महासभामा आफ्नो सम्बोधनका क्रममा राष्ट्रपति बाइडेनले यस्तो बताएका हुन् ।

उनले रुसको आक्रमणविरुद्धको रक्षामा युक्रेनलाई समर्थन गर्नु भनेको युक्रेनको भविष्यका लागि मात्र नभएर सार्वभौमसत्ता र क्षेत्रीय अखण्डताका आधारभूत संयुक्त राष्ट्र नियमहरूलाई महत्त्व दिने हरेक देशको भविष्यमा लगानी गर्नु रहेको जिकिर गरे ।

उनले भने, ‘हामी युक्रेनलाई न्यायपूर्ण र दिगो शान्ति प्रदान गर्ने कूटनीतिक समाधान ल्याउने प्रयासमा दृढतापूर्वक समर्थन गर्छौँ। रुस एक्लैले यस युद्धको जिम्मेवारी लिनुपर्छ। रुससँग मात्रै यो युद्ध तुरुन्तै अन्त्य गर्ने शक्ति छ ।’