एजेन्सी । अमेरिकी राष्ट्रपति जो बाइडेनले गाजापट्टी कब्जा गर्नु इजरायलका लागि ठूलो गल्ती हुन सक्ने टिप्पणी गरेका छन् ।

अमेरिकी एक टेलिभिजनसँगको कुराकानीमा बाइडेनले हमासले प्यालेस्टाइनको प्रतिनिधित्व नगर्ने भएकाले गाजापट्टी कब्जा गर्नु हमासविरुद्धको जित मात्र नहुने बताएका हुन् ।

उनले हमासलाई खतम पारेर प्यालेस्टाइन राज्यका लागि मार्ग प्रशस्त गर्नुपर्ने आजको आवश्यकता रहेको बताए ।

पछिल्लो तथ्यांकअनुसार इजरायलमा हमासको आक्रमणमा परी ३० अमेरिकीको मृत्यु भएको छ भने १३ जना घाइते भएका छन्, केहीलाई हमासले बन्धक बनाएको छ।

यसैबीच इजरायलको आक्रमणमा प्यालेस्टाइनमा २ हजार ४ सय ५० जनाको मृत्यु भएको छ।