काठमाडौं । एएफसी एसियन कप फुटबलको उपाधि घरेलु टोली कतारले हात पारेको छ ।

योसँगै कतार लगातार दोस्रो पटक च्याम्पियन बनेको हो ।

गएराति भएको फाइनलमा जोर्डनलाई ३–१ गोलले हराउँदै कतारले उपाधि जित्यो । कतारका लागि अक्रम अफिफले ह्याट्रिक गरे ।

उनले सबै गोल पेनाल्टीमा गरेका हुन् । जोर्डनका लागि यजान अल–नैमातले एक गोल फर्काए ।

यसअघि कतारले सन् २०१९ मा जापानलाई ३–१ गोलले हराउँदै पहिलो पटक उपाधि जितेको थियो ।