काठमाडौं । गायिका अञ्जु पन्त र गायक प्रवीण बेडवालको स्वरमा रहेको गीत ‘बढ्दै छ’को भिडियो सार्वजनिक भएको छ ।

गीतमा अर्जुन पोखरेलको शब्द र सङ्गीत तथा कुशल सिंह निलको एरेन्ज छ ।

टाढा भएको प्रेमीप्रेमिकाको भावना प्रकट गरिएको गीतको भिडियोमा लायन र पवित्रा सकी ‘मिस पवि’ फिचर्ड छन् ।

भिडियोमा लायन र मिस पविलाई रोमान्टिक भावमा देखाइएको छ।

माधव शर्माको निर्देशन रहेको भिडियोमा सन्तोष राजबाहकको कोरियोग्राफी, नवराज उप्रेतीको छायाङ्कन, विकास दाहालको सम्पादन छ ।

द डिभाइन म्युजिकबाट भिडियो सार्वजनिक भएको हो ।