सिन्धुली । सिन्धुलीमा एक महिलाको शव फेला परेको छ ।

जिल्लाको तीनपाटन गाउँपालिका ४ बालाजोरगाउँको बाँस झ्याङमा स्थानीय ४२ वर्षीया खडकमाया भुजेलको शव गएराति भेटिएको हो ।

राति साढे ९ बजे स्थानीयले महिलाको शव भेटिएको जानकारी गराएपछि घटनास्थल पुगेको प्रहरीले उनका श्रीमान मार्फत् शवको पहिचान गराएको प्रहरीले जनाएको छ ।

भुजेल गत आइतबार कसैलाई नसोधी घरबाट निस्किएकी परिवारले बताएको छ।

घटनाको प्रारम्भिक अनुसन्धान सकेर शव पोष्टमार्टम गरी उनका श्रीमानलाई प्रहरीले बुझाएको छ ।