एजेन्सी । स्पेनिस ला लिगा फुटबलअन्तर्गत बार्सिलोना र लेभान्तेबीचको खेल बराबरीमा रोकिएको छ ।

मंगलबार राति भएको खेलमा लेभान्तेसँग बार्सिलोना ३ –३ गोलको बराबरीमा रोकिएको हो ।

पहिलो हाफमा लियोनल मेस्सी र पेड्रो गोन्जालेज लोपेजले एक एक गोल गरेर बार्सिलोनालाई २–० गोलको अग्रता दिलाए ।

दोस्रो हाफमा सो अग्रता कायम हुन सकेन । लेभान्तेका गोन्जालो मेलेरो र जोसे लुइज मोरालेसले गोल गरेर खेल २–२ को बराबरीमा ल्याए ।

खेलको ६४ औँ मिनेटमा उसमान डेम्बेलेले गोल गरी पुनः बार्सिलोनालाई अग्रता दिलाए । खेलको ८३ औँ मिनेटमा लेभान्तेका सर्जिओ लिअनले बराबरी गोल गरे ।

बराबरीसंगै दोस्रो स्थानको बार्सिलेनाको दुई खेल बाँकी छंदा ७६ अंक भएको छ । तीन खेल खेल्न बाँकी रहेको शीर्ष स्थानको एथ्लेटिको मड्रिडको ७७ र तेस्रो स्थानको रियल मड्रिडको ७५ अंक छ ।

ला लिगा अन्तर्गत मंगलबार राति भएका अन्य अन्य खेलमा ओसासुनाले काडिजलाई ३–२ गोलले र एलाभेसले एल्चीलाई २–० गोलले पराजित गरेका छन् ।