काठमाडौं । स्पेनिस ला लिगामा रियल मड्रिडले अल्मेरियाविरुद्ध ४–२ को सहज जित निकालेको छ ।
करिम बेन्जेमाले पहिलो हाफमै ह्याट्रिक गरेपछि अल्मेरियाविरुद्ध रियलले सहज जित निकालेको हो ।
बेन्जेमाले रियाल मड्रिडबाट खेलेका सबैखाले प्रतियोगिताको पछिल्लो आठ खेलमध्ये तीन खेलमा ह्याट्रिक गरेका छन् ।
जिरोना र रायो भालेकानोसँग दुई अप्रत्यासित हार व्यहोरेपछि रियालले घरेलु मैदानमा अल्मेरियाविरुद्ध बेन्जेमाले ह्याट्रिक गर्दा जित भेट्टाएको हो ।
जितसँगै ३२ खेलबाट ६८ अंक जोडेको रियाल मड्रिड तालिकाको दोस्रो स्थानमा छ । जुन शीर्ष स्थानको बार्सिलोनाभन्दा ११ अंक कम हो ।
समान खेलबाट ७९ अंकसहित बार्सिलोना तालिकाको शीर्ष स्थानमा छ । लिगमा अब ६ खेलमात्र बाँकी छन् । यता, ३२ खेलबाट ३३ अंक जोडेको अल्मेरस तालिकाको १५औँ स्थानमा छ ।
Leave a Reply