काठमाडौं । स्पेनिस ला लिगाअन्तर्गत तनावपूर्ण बनेको खेलमा साविक विजेता बार्सिलोनाले एट्लेटिको मड्रिडविरुद्ध १–० को कठिन जित निकालेको छ ।

स्टाडियो ओलम्पिको लुइस कम्पनिजमा सम्पन्न खेलमा बार्सिलोनालाई जित दिलाउन जाओ फेलिक्सले गरेको गोल निर्णायक बन्यो ।

जितसँगै १५ खेलबाट ३४ अंक जोडेको बार्सिलोना तालिकाको तेस्रो स्थानमा उक्लिएको छ ।

१४ खेलबाट ३१ अंक जोडेको एट्लेटिको मड्रिड तालिकाको चौथो स्थानमा छ ।