काठमाडौं । १६ बर्षीया बालिकालाई बलात्कार गरेको आरोपमा कार्गो व्यवसायीहरुको छाता संगठन फ्रेट फरवार्डस् संघ (नेफा) का अध्यक्ष मनोज अधिकारी पक्राउ परेका छन् ।

उनलाई महानगरीय प्रहरी वृत्त, कमलपोखरीको टोलीले ठमेलबाट पक्राउ गरेको हो ।

अधिकारीमाथि जबरजस्ती करणी सम्बन्धी कसूरमा कमलपोखरी प्रहरीमा किटानी जाहेरी दर्ता भएपछि पक्राउ गरिएको काठमाडौं प्रहरी प्रमुख एसएसपी अशोक सिंहले पुष्टि गरेका छन्।

एसएसपी सिंहका अनुसार पक्राउ परेका उनीमाथि १६ बालिका किशोरीलाई करणी गरेको अभियोग रहेको छ।

अधिकारीले ८ कात्तिकमा पीडित किशोरीलाई रातोपुलस्थित एक रेष्टुरेन्टमा बलात्कार गरेको जाहेरीमा उल्लेख रहेको प्रहरीको भनाइ छ।

उनीमाथि जिल्ला अदालत, काठमाडौंबाट पाँच दिन म्याद थप गरेर थप अनुसन्धान भइरहेको प्रहरीले जनाएको छ।