एजेन्सी । भारतीय सेनाको एक हेलिकप्टर चीन सीमा नजिक अरुणाचल प्रदेशको मिगिङ गाउँनेर शुक्रवार दुर्घटनाग्रस्त भएको छ ।

स्थानीय समयअनुसार बिहान १०ः४० मा एड्भान्स्ड लाइट हेलिकप्टर दुर्घटनामा परेको हो ।

सेनाको टुटिङ हेडक्वार्टरबाट घटनास्थल २५ किलोमिटर टाढा छ । घटनास्थलबाट दुईवटा शव निकालिएको छ ।

तेस्रो शवको खोजी हुँदैछ । सेनाले खोजी तथा उद्धारका लागि तीनवटा हेलिकप्टर पठाएको छ ।